ئایەم بنەچەکدار و ڕیشەدار
کوڵە چیرووک
شفووڕ ماشین گەوراێ وەناو دارسانێ، تەختەی دارەیل بڕیا بار ماشینەێ کردۊد تا بوەێدانەڕا شار.
دۊاێ یەگ قەێرێ ڕێ بڕی وەیەێ هەوو وەناو ڕێ دارسان لە وەخت پیچانن وە چەفتی ڕێ، چمک قەڵخان ماشینەێ گیر کردە دارێ لە لۊ ڕێیە وەی خاترە ماشینە گت کرد و ئی گیرخواردنە لەرەێ دا ماشینە، تەمام تەختەیلە ک بار کردۊد وە دەرە دۊاینە ڕشیانە زەۊ.
شفووڕ ماشینە ک کوڕەگەیشێ وەگەردیا بی دۊاێ ئەو پیشهاتە وە ماشینە هاتنە خوار و ئی پیشهاتە دیین. باوگێ وەت: کوڕەگەم ! وە دیین ئی پیشهاتە یاێ بگر کە یەێ دار خاوەن ڕیشە تۊەنس سەد گلە دار بێ ڕیشە جی وەجی بکەێد و بڕمنێ.
هەمیشە کووشان بکە ڕیشەی بنەماڵە و خودا پەرەسی خوەد لە ویرا نەوەی کە یەێ ئایەم خاوەن ڕیشە وەلیفەت دێرێ وە سەد گلە ئایەم بێ ڕیشە!!! و پشتا داین وەیەێ ئایەم خاوەن ڕیشە ئەڕاد فرە وەلیفەتدارتر وە یەسە ک پشتا بەیدە سەدها ئایەم بێ ڕیشە. یەی ئایەم خاوەن ڕیشە لە وەرایوەر گێچەڵ پا دەێدە گەز.
