پەیاکردن شەراو لەناو کویزەی فیرعەونەیل تەمەنی ٥ هەزار ساڵە
موستەفا وەزیری ئەمیندار گشتی ئەنجومەن باڵای ئاسەواری وت: ئەو کویزەیلە کە پەیا کریانە قەوارەیان گەورەس، و خاس مقیەتی کریانە، و شەراو لەناوی تەمەنی رەسێدە نزیکەی ٥٠٠٠ ساڵ، و بڕیگیش ناوماڵەی پرسپوو پەیا کریا.
لەلای خوەییش، دیتریش راو وەڕیەوبەر پەیمانگای ئەڵمانی لە قاهیرە وت: کارەیل وەشکین لە قەورسانەگە هەمیش رەسیە لاوردن پەردە لەمل زانیاریەیل میژووی نوویگ لە ژیان شاژنەگە و ماوەی حوکومڕانیی، کە ئاشکرا بویە کە ئەو شاژنە پایەی بەرزیگ داشتیە، وەرپرس بویە لە کتاوخانەیل حکومەت ناوەندی، وتیش: شاندەگە وەردەوامە لە کاری ئەرا تەقەلای ئاشکراکردن زانیاری زیاتر لە میژوو و ناسنامەی ئی شاژنە.
لەلای خوەییش، کرستیانا کولهەر خانمە سەرۆک شاندەگە وت: وەشکین ناو قەورسانەگە نشان دا کە قەورسان شاژن مریت نیس وە خشت و خەڕگ و پارچەیل چوو دروس کریایە، و هاتێ تەنیا ژنیگ بوود لە یەکەمین بنەماڵە کە تا ئیسە ئاشکرای قەورسانیگ شاهی لە ئەبیدوس ئەرای کریایە، و لە شان قەورسانەگەی بڕیگ لە ٤١ قەورسان ئەرا نەوکەرەیلی هەس، کە نشان دەێد هەریەک لەی قەورسانەیلە لە سەردەمیگ جیاواز دروس کریایە.
