کاڵەک بوودە هوکار تویشهاتن سەدان کەس وە ڤایرۆس سالمۆنێلا و شمارەیگیش گیان لەدەس دەن
2023-12-17T13:09:48+00:00
شەفەق نیوز/ لەوەر خواردن کاڵەک پیسبوی وە بەکتریای سالمۆنێلا سەدان کەس لە ویلایەتە یەکگرتگەیل ئەمریکا تویش ئەو بەکتریا هاتنە و بڕیگیش مردنە.
سالمۆنیلا بەکتریایگە بوودە هووکار زگچین و کرژبوین گەیە و بەرزەوبوین پلەی گەرمی لەش و نیشانەیلی لە دویای شەش ساعەت تا شەش رووژ لەدویای چگن ڤایرۆسەگە وە ناو لەش دەسوەپی کەێد.
بنکەی کۆنتڕۆڵکردن بیماریەیل و پارێزگاریکردن بڵاویکردیە، وە مدوو خواردن کاڵەک پیسبوی 302 کەس تویش بەکتریای سالمۆنیلا هاتنە و چوار کەسیش گیان لەدەسدانە، لەهەمان وەخت تویشهاتن 153 حاڵەت لە وڵات کەنەدا پشت راسکریاگە و شەش کەسیش گیان لەدەسدایە.
وە مدوو بڵاوبوین بیماریەگە هاوردەکردن کاڵەک لەڕی دوو کۆمپانیا وسریایە داوا لە هاوڵاتیەیل کریایە پابەن رێنمایی خوەپارێزیەیل بوون.
