ئایا خەون سیا و چەرمگە یا رەنگاورەنگە؟

شەفەق نیوز/  وەپای راپۆرتیگ رووژنامەوانی واشنتۆن پۆست ئەمریکی، زانست ئەو باوەڕە پویچەوکردیە کە خەون فرەیگ مەردم سیا و چەرمگە، لەوەختیگ خەوەن رەنگاوڕەنگ پەیوەنی وە گیچەڵ دەروینی دیرێد.

لە راپۆرتەگە هاتییە، لێکۆڵینەوەیل باس لەوەکەن خەون خوەڵەکویی یا رەنگاورەنگ پەیوەستە وە تەمەن و سەردەم ئایەم کە لەناوی زندگی کەێد.

لە ئەنجام  دوو توێژینەوە کە لەساڵ 2011 کریانە وە جیاوازی 16 ناوەینیان، دەرکەفتیە نزیکەی 80 لەسەد بەشداربویەیل خوار 30 ساڵان باس لە رەنگ کردنە لە خەونەیلیان، باوجی لە تەمەن 60 ساڵان رێژەگە ئەرا 20 لەسەد داوەزیایە.