ئایا بەکتریای گەیە لە کێش داوەزنێد
شەفەق نیوز/ شمارەی وەرچەویگ لەو کەسەیلە گیچەڵ لاوازی و کەمی کێش دیرن وەردەوام پرسیار ئایا هووکار لاوازیەگەیان گلەویەخوەد ئەرا تویشهاتنیان وە بەکتریای گەیە جویر "H.Plylori ".
دکتۆر کامهران رسوڵ ژاژڵهیی پزیشک پسپۆڕ زانستی خوەراک لە بڵاوکریایگ دیاریکرد، تویشهاتن وەی بەکتریایە بووده هووکار داوەزیان کێش و لاوازی وە چەن میکانیزمیگ جیاوازەو:
١. کەمەوبوین یا نەمان ئەزرەت خواردن.
٢. گەیە و ناوزگ ژان و دڵەکزە وە تایوەت دویای ئاش خواردن.
٣. ئەلاوردن و دڵ قەڵبەوبوین.
٤. گەنتر بوین نیشانەیل تووشبوون دویای خواردن چەور و برشیاگ.
٥. غازات فرە پیچ ناوزگ و قڕقنەک وەردەوام دویای نان خواردن.
٦. گلەوخواردن تڕشەڵۆک گەیە ئەرا ناو سورێنجک.
هەوەجەکەێد باس لەوەبکرێد ئیرنگە دەسنیشانکردن و چارەسەرکردن بەکتریای " H. Pylori " ئیرنگە لە ری دەرمان و پەهریز خوەراک وەردەستە و رێژەی خاسەوبوینی فرە بەرزە و سەرکەفتیە، هەوەجەکەێد نەخوەشەگە پابەن بوود وە تەواو کردن کۆرس دەرمانەیل و ڕێکارەیل خوەپاراست لە دوارەوبوین تویشهاتن وە بەکتریاگە.
