پرس وپرسكاری و دادگه‌ری: حكوومه‌ت و ليژنه‌يل سه‌روه‌خوه‌ی و هه‌رسێ سه‌رۆكايه‌تييه‌گه‌ سێ بڕگه‌ی تايبه‌ت جيوه‌جی نه‌كردنه‌

به‌ختيار عومه‌ر جيگر سه‌رۆك ليژنه‌گه‌ له‌باسيگ ئه‌را (شه‌فه‌ق نيوز) وت: رووژ په‌نجشه‌ممه‌ی گوزه‌يشته‌ ليژنه‌ی پرس وپرسكاری و دادگه‌ری نامه‌يگ فه‌رمی ئاراسته‌ی گشت وزاره‌ته‌يل و ليژنه‌يل سه‌روه‌خوه‌ی و هه‌رسێ سه‌رۆكايه‌تیيه‌گه‌ كردگه‌ بيجگه‌ ديوان وه‌قف سوننی و ليژنه‌ی حه‌ج و عومره‌و ليژنه‌ی ئۆڵه‌مپی عراقی وه‌خاتر جيوه‌جيكردن ئه‌و بڕگه‌يله‌ ك په‌يوه‌سه‌ وه‌ مه‌سه‌له‌ی خانه‌نشينی و هاتنه‌وه‌ ئه‌را وه‌زيفه‌و دويره‌وخستن بڕيگ كارمه‌ند له‌ كاره‌يليان.

عومه‌ر هه‌ميش وت: جيوه‌جی نه‌كردن ئی بڕگه‌يله‌ له‌لايه‌ن گشت وزاره‌ت و ليژنه‌يل سه‌روه‌خوه‌ی و له‌وه‌رنه‌گرتن ری وشوون وه‌گووره‌ی بڕياره‌يل پرس وپرسكاری و دادگه‌ری مانای ياساشكاننه‌و ليژنه‌گه‌مان تا وه‌رجه‌ كووتايی ئی هه‌فته‌ چه‌وه‌ڕی ده‌سكه‌فتن جوواو ئه‌كا له‌و لايه‌نه‌يله‌ ك ئی نامه‌ ئاراسته‌يان كرياگه‌.

ج . أ