پاريزگايگ عراقى ناڕه‌زايى له‌بان سه‌ردانه‌گه‌ى عه‌بدولمه‌هدى ئه‌راى ده‌رخست
شه‌فه‌ق نيوز/ ئه‌نجومه‌ن پاريزگاى سه‌ڵاحه‌دين ناڕه‌زايى له‌باره‌ى سه‌ردانه له‌ناكاوه‌گه‌ێ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل ئه‌را پاريزگاگه ده‌رخست.
له‌و باوه‌ته‌و، ئه‌حمه‌د كه‌ريم سه‌رۆك ئه‌نجومه‌ن پاريزگاى سه‌ڵاحه‌دين له به‌ياننامه‌يگ وت: پاريزگاگه جه‌خت له وسيانى وه‌ل مه‌سه‌له‌ى سپايكه‌ر و مافه‌يل ره‌وايان ئه‌كا له ساڵياد ئه‌و تاوانه شان وه‌شان برايه‌يل شه‌هيديان له گشت پاريزگايه‌يل تر ك له‌لايه‌ن تيرۆريسته‌يل داعش و چه‌ته‌يل غه‌دركاره‌وه داگير كريان.
به‌ياننامه‌گه هه‌ميش وت: سه‌ردانه‌گه‌ى عه‌بدولمه‌هدى و وه‌تايبه‌ت له‌باره‌ى شه‌هيده‌يل تاوان سپايكه‌ر شه‌پۆليگ له ناڕه‌زايه‌تى له‌لاى مه‌ردم پاريزگاگه ده‌رخستگه ك پيشبينى ديد زياتر له‌لى كرديان له‌ى سه‌ردانه ك هه‌رچه‌نى پايه‌ى قوربانيه‌يل سپايكه‌ر گه‌وراتره له ئه‌نجامداين يادوه‌رييان.
جى باسه، به‌ياننامه‌گه يه‌يش هاتگه ك پاريزگاگه وه حاڵه‌تيگ سه‌خت ئابوورى گوزه‌ر ئه‌كا وه‌تايبه‌ت له‌وه‌ختيگ ك ئاگره‌يل يه‌ك له‌شوون يه‌كيگ له كێڵگه‌يل گه‌نم دويه ئه‌كه‌فێده‌و بيجگه مه‌سه‌له‌ى ئاوه‌داناكردن وه‌بوونه‌ى كه‌مى ته‌رخانكردن دارايى ك يه‌يش له‌يوا ئه‌كا داوا له حكومه‌ت بكريه‌ێد ماف ئه‌و پاريزگا پشتگووش نه‌خريه‌ێد.
