وزاره‌ت داد ئاشكرای ئازادكردن هه‌زاران زندانيكرياگ كردو له‌ناونيانيش ٣١١ ژن
2013-07-01T13:09:27+00:00
وسام فرێجی قسه‌كه‌روه‌ناو وزاره‌ته‌گه له لێدوانيگ ئه‌را (شه‌فه‌ق نيوز) وت: وزاره‌ت داد شماره‌ی گه‌ورايگ له زندانيه‌يل ئازاد كردگه له‌شوون ته‌واوبوين ماوه‌ی حوكميان بيجگه ئه‌و زندانيه‌يليشه ك ته‌ماشای كيشه‌يليان كريه‌يد وه ريككه‌فتن وه‌ل ئه‌نجوومه‌ن دادگای باڵا.
فرێجی هه‌ميش وت: له نيمه‌ی يه‌كه‌م ئمساڵ ٤٢٩٦ زندانی ئازاد كرياگه‌و له‌ناونيانيش ٣١١ ژن له‌ماوه‌ی ناونی ١/١/٢٠١٣ تا ٣٠/٦/٢٠١٣و بيجگه ئه‌وه‌يش وزاره‌ته‌گه له چه‌وديريكردن دۆسيه‌ی زندانيه‌يل تريش وه‌رده‌وامه وه‌ل ئه‌نجوومه‌ن دادگای باڵا ئه‌را يه‌كلاكلادنه‌وه‌ی كيشه‌يليان وه‌گووره‌ی ياسا.
ج . أ
