مالكی و خوزاعی و جه‌عفه‌ری و فراكسيۆنه‌يل هاوپه‌يمانی نيشتمانی نگه‌رانن له‌بار ئاسايش
و هه‌ر وه‌و خاتريشه خزه‌ير خوزاعی جيگر سه‌رۆك كومار ده‌سپيشخه‌ری ئاشتيانه‌ی كوومه‌ڵايه‌تی وه په‌سه‌ن تاريف كرد وه‌مه‌رجيگ باقی هيزه‌يل تر سياسييش ره‌زامه‌نی له‌بانی نيشان بيه‌ن.
له به‌ياننامه‌يگ له‌لايه‌ن نويسينگه‌ی ئبراهيم جه‌عفه‌ری سه‌رۆك هاوپه‌يمانی نيشتمانی ك روينويسيگی ره‌سيه(شه‌فه‌ق نيوز)، ئه‌وه ده‌ركه‌فت ك جه‌عفه‌ری سه‌رپه‌رشی دانيشتنيگ ئه‌را هاوپه‌يمانی نيشتمانی عراقی كردگه وه ئاماده‌بوين نوێنه‌ر ئه‌و پيكهاته‌يل سياسيه ك چينه‌سه ناو هاوپه‌يمانيه‌گه‌و هه‌ميش وه‌به‌شداری نوری مالكی سه‌رۆك وه‌زيره‌يل و خزه‌ير خوزاعی جيگر سه‌رۆك كومار.
له‌به‌ياننامه‌گه يه‌يش ده‌ركه‌فت، ك خشته‌ی كاره‌يل ليژنه‌ی سياسی، مه‌سه‌له‌ی تاوتويكردن بار ئاسايش له‌عراق زه‌مانه‌ت ئه‌كا وه‌ل داناين مه‌رزيگ ئه‌را ئه‌و ياساشكنه‌يل مه‌ترسيدار ئاسايشه ك هاته‌سه تويش عراق.
ج . أ
