له‌نزيك بنگه‌يگ هه‌ڵوژاردن له‌ فه‌لوجه‌ ئۆتۆمۆبيليگ ته‌قيه‌‌و ‌و ١٥ پۆليس كوشيان و زه‌خمداربوين

ئه‌و سه‌رچه‌وه‌ ك نه‌تواست ناوی ئاشكرا بوود، ئه‌را (شه‌فه‌ق نيوز) وت: ده‌مه‌و شه‌وه‌كی ئمڕوو ئۆتۆمۆبيليگ مينڕيژكرياگ له‌ نزيك بنگه‌يگ هه‌ڵوژاردن ك ئاماده‌ كرياويد ئه‌را ده‌نگداين تايبه‌ت له‌ قه‌زای فه‌لوجه‌ له‌وه‌خت گرده‌وبوين بڕيگ پۆليس ك خه‌ريك ده‌نگداين بوينه‌، ته‌قيه‌سه‌و ‌و دو له‌ليان كوشتگه‌و ١٣يش زه‌خمدار كردگه‌.

سه‌رچه‌وه‌گه‌ يه‌يش ده‌رخست ك يه‌كسه‌ر هيزه‌يل ئاسايش چوارده‌ور شوونه‌گه‌ دانه‌و ڕی و شوون له‌وه‌رگرتنه‌ ئه‌را وه‌ديكردن ئه‌و كه‌س ولايه‌نه‌يله‌ ك ده‌س داشتنه‌ له‌و رويداگه‌.

ج . أ