سه‌در له فراكسيۆنه‌گه‌ی خوه‌ی و فراكسيۆنه‌يل تر خوازياره چه‌و بوڕنه فراكسيۆن مواتن و ده‌س له‌موچه‌ی خانه‌نشينی هه‌ڵگرن
2013-07-29T12:07:55+00:00
سه‌در له‌جوواو ئه‌و نامه ك به‌يان زوبێدی سه‌رۆك فراكسيۆن مواتن ئه‌رای كلكيكرد له‌باوه‌ت ده‌سپيشخه‌ری فراكسيۆنه‌گه‌ی ك (شه‌فه‌ق نيوز) ئاگادری بوی،وت: شوكر ئه‌را خودا ك ئی جووره كه‌سه‌يليگ نموونه‌يی ها له‌تی ك په‌يمان دانه موچه‌ی مانگانه‌ی خانه‌نشينی وه‌ر نه‌گرن ك كاريگه‌ری خراو كردگه‌سه بان عراق و بودجه‌گه‌ی.
سه‌در هه‌ميش وت: من سوپاسگوزار ئه‌ندامه‌يل فراكسيۆن مواتن و وه‌زيره‌يل وه‌رين و ئه‌و كه‌سه‌يله‌مه ك ئی ده‌سپيشخه‌ری نيشتمانيه ئه‌نجام دانه‌و هه‌ر له‌وه‌ر ئه‌وه‌يش بايه‌سه فراكسيۆنه‌يل تريش ئی كاره ئه‌نجام بيه‌ن له‌وه‌رخاتر به‌رژه‌وه‌ندی عراق و ملله‌ت و فه‌قيره‌يل.
ج . أ
