سكرتێر وه‌رين پارت ديمۆكرات كوردستان كووچ دويايين كرد
2013-07-30T16:03:13+00:00
حه‌بيب فه‌يلی له‌شوون حه‌مزه عه‌بدوڵڵا و ئبراهيم ئه‌حمه‌د سێيه‌مين سكرتێر پارت ديمۆكرات كوردستان بوی.
يه‌كێگ له‌نزيكه‌يل خانه‌واده‌ی فه‌يلی وه "شه‌فه‌ق نيوز" وت: "حه‌بيب محه‌مه‌د كه‌ريم سكرتێر وه‌رين پارت ديمۆكرات كوردستان له‌ته‌مه‌ن 80 ساڵان له‌يه‌كێگ له نه‌خوه‌شخانه‌يل وڵات لوبنان كووچ دويايين كردگه".
فه‌يلی له 16/12/1931 له‌شار زوڕباتيه‌ی سه‌ر وه‌پارێزگای كووت له‌باشوور كوردستان هاتگه‌سه دونياو يه‌كێگه له‌سه‌ركرده‌يل ناودار جمشت ئازاديخواز كوردستان ك ساڵه‌يل فره‌ێگ دژ وه ڕژيم وه‌رين عراق خه‌بات كردگه.
