ئه‌مريكا وه‌خاتر پشتگريكردن جه‌نگه‌گه‌ی دژ تيرۆر پيێشنيار سێيه‌م خسته‌ روی

له‌به‌ياننامه‌يگ له‌لايه‌ن نويسينگه‌ی مالكيه‌و ك روينويسيگی ره‌سيه ‌(شه‌فه‌ق نيوز) ئه‌وه‌ ده‌ركه‌فت ك سه‌رۆك وه‌زيره‌يل عراقی دويه‌كه‌ شه‌ممه‌ پيشوازی له‌ شانديگ ئه‌نجوومه‌ن پيره‌يل ئه‌مريكی كردگه‌ وه‌سه‌رۆكايه‌تی جۆن مه‌كين و له‌و ديداره‌ هه‌ردوگلا باس له‌ كيشه‌يل ناوچه‌گه‌و قه‌يران سوری و كاريگه‌ری له‌بان ده‌وڵه‌ته‌يل هاوسا كردنه‌و له‌هه‌مان وه‌خت مالكی خوازيار هاوكاری بويه‌ له‌ ئه‌مريكا ئه‌را چاره‌سه‌ركردن قه‌يرانه‌يل ناوچه‌گه‌و مقه‌يه‌تيكردن عراق، هه‌ر له‌وه‌ر ئه‌وه‌يش ئه‌مريكا دويای دو رووژ له‌ ده‌رچگن عراق له‌ به‌ند هه‌فته‌م پێشنيار سێيه‌م هاوكاری هاوبه‌ش ناونی هه‌ردوگ وڵات خسته‌ڕوی ئه‌را عراق وه‌خاتر روی وه‌ڕوی بوينه‌وه‌ی تيرۆر.

جی باسه‌، له‌لايه‌ن خوه‌ييشه‌و كۆنگرس ئه‌مريكی جه‌خت له‌بان خواست هاوكاری و پشتگيريكردن عراق كرد ئه‌را روی وه‌ڕوی بوينه‌وه‌ی هه‌ر مه‌ترسييگ و له‌ی رويه‌و ئاماده‌يی خوه‌ی نيشان دا ئه‌را هاوكاری عراق.

ج . أ