چه‌ودێرى بازرگانى له كوردستان 575 غه‌رامه ده‌رهه‌ق سه‌رپيچيكاره‌يل له نيسان چه‌سپان
شه‌فه‌ق نيوز/ وه‌ڕيه‌وبه‌رايه‌ى باڵاى چه‌وديرى بازرگانى له پاريزگايه‌يل هه‌رێم كوردستان، ئاشكراى ئاماره‌يل گشت كار و چالاكيه‌يليگ كرد ك له‌لايه‌ن ليژنه‌يله‌و له پاريزگايه‌يل هه‌رێم له‌ماوه‌ى مانگ نيسان گوزه‌يشت ئه‌نجام دريانه.
وه‌ريه‌وبه‌رايه‌تيه‌گه له به‌ياننامه‌يگ ئه‌را شه‌فه‌ق نيوز وت: له پاريزگاى هه‌ولێر (2462) سه‌ردان مه‌يدانى ئه‌نجام داگه‌و(45)كه‌س و دوكان غه‌رامه داگه‌و 35 ته‌ن له كاڵايه‌يل ئيكسپايه‌ر كۆنترۆڵ كردگه‌و يه‌يش ده‌رخست ك جه‌م گشتى غه‌رامه‌يل ره‌سيه‌سه 33.250.00 دينار.
باس له‌وه‌يش كرد له پاريزگاى سلێمانى 4646 سه‌ردان مه‌يدانى ئه‌نجام داگه 323 كه‌س و دوكان غه‌رامه داگه‌و 283 ته‌ن مادده‌ى ئيكسپايه‌ر كۆنترۆڵ كردگه‌و له پاريزگاى دهۆكيش 4110 سه‌ردان مه‌يدانى ئه‌نجام داگه‌و 207 كه‌س و دوكان غه‌رامه داگه‌و 22927 ته‌ن مادده‌ى ئيكسپايه‌ر كۆنترۆڵ كردگه.
