پارتى ئاشكراى كرد بارزانى وه‌ى نزيكه‌يله سه‌ردان به‌غدا ئه‌كا
شه‌فه‌ق نيوز/ پارت ديموكرات كوردستان، ئاشكراى ئه‌وه كرد مه‌سرور بارزانى سه‌رۆك حكومه‌ت هه‌رێم كوردستان وه‌ى نزيكه‌يله سه‌ردان به‌غدا ئه‌كا ئه‌را چه‌وديريكردن ريڕه‌و دانيشتنه‌يل له‌ناونى هه‌ردوگ حكومه‌ت ناوه‌ندى و هه‌رێم.
له‌ى باوه‌ته‌و، به‌شار كيكى ئه‌ندام له‌بان پارت ديموكرات كوردستان ئه‌را ئاژانس شه‌فه‌ق نيوز، وت: شانديگ باڵا وه سه‌رۆاكايه‌تى مه‌سرور بارزانى سه‌رۆك حكومه‌ت هه‌رێم له ماوه‌ى ئاينده سه‌ردان به‌غدا ئه‌كا له‌وه‌ر چه‌وديريكردن ريڕه‌و دانيشتنه‌يل له‌ناونى هه‌ردوگ حكومه‌ت ناوه‌ندى و هه‌رێم، له هه‌مان وه‌خت يه‌يش دويره‌وخست ك سه‌ردانه‌گه‌ى وه‌رجه جه‌ژن بدێ.
جى باسه، كيكى يه‌يش ده‌رخست ك حكومه‌ت هه‌رێم هويچ گرفتيگ له‌باره‌ى هه‌نارده‌كردن نه‌فت نه‌يرێد له‌ڕێ كۆمپانياى سۆمۆ نيشتمانى و راده‌سكردن داهاته‌يل غه‌يره نه‌فتى وه حكومه‌ت ناوه‌ندى، له‌وه‌رانوه‌ر ئه‌وه‌يش حكومه‌ت ناوه‌ندى پابه‌ند بدێ وه داين شايسته‌يل هه‌رێم وه‌گووره‌ى ريژه‌يگ دادگه‌رانه ك 14% ئه‌دێ وه‌گووره‌ى به‌ياننامه‌ى وه‌زاره‌ت پلاندان.
