پارتى ئاشكراى ده‌نگداين په‌رله‌مان له‌بان ياسايه‌يليگ له‌باره‌ى هاووڵاتيه‌يله‌و كرد
شه‌فه‌ق نيوز/ ديار بروارى ئه‌ندام ئه‌نجومه‌ن نوێنه‌ره‌يل عراقى له‌بان فراكسيۆن پارت ديموكرات كوردستان، ئاشكراى ياسايه‌يليگ كرد ك ئه‌نجومه‌ن نوێنه‌ره‌يل له دانيشتنه‌يل ئاينده‌ێ ده‌نگ له‌بانيان ئه‌ياد.
براوارى ئه‌را شه‌فه‌ق نيوز وت: ياسايه‌يليگ هه‌ن ده‌نگ له‌بانيان ئه‌دريه‌ێد له دانيشتنه‌يل ئاينده‌ى په‌رله‌مان، له‌وانه‌يش ياساى چاودێرى كۆمه‌ڵايه‌تى و ياساى زه‌مان ته‌ندروسى و هه‌مواركردن خانه‌نشينى و ياساى خزمه‌ت مه‌ده‌نى و ياسايه‌يل تر ك ريككه‌فتن له‌بانيان كرياگه ئه‌را ده‌نگداين له‌لايه‌ن فراكسيۆنه‌يل په‌رله‌مانى.
جى باسه، براوارى باس له‌وه‌يش كرد ئه‌و ياسايه‌يله هويچ ناڕه‌زايه‌تييگ له‌لايه‌ن حزب و لايه‌نه‌يل سياسيه‌و له‌بانيان نيه‌و هه‌ر وه‌و خاتريشه له دانيشتنه‌يل ئاينده‌ى په‌رله‌مان ده‌نگ له‌بانيان ئه‌دريه‌ێد و ياسايه‌يليگيش هه‌ن په‌يوه‌سن وه هاووڵاتيه‌يله‌و ك ئه‌را خوه‌نينه‌وه ئه‌خريه‌نه روێ له‌وه‌ر ئه‌وه‌گ له ماوه‌ى نزيكيگ ده‌نگ له‌بانيان بدريه‌ێد.
