يەک مردن و ١٩٩ تووشهاتن نوو وە کۆڕۆنا لە هەرێم کوردستان
2021-03-02T15:54:17+00:00
شەفەق نیوز/ وەزارت تەندروسی لە هەرێم کوردستان، ئمڕوو سێشەممە، یەک مردن و ١٩٩ تووشهاتن وە ڤایڕۆس کۆڕۆنا، وەگەرد ١١٩ خاسەوبوین لە ماوەی ٢٤ ساعەت گوزەیشتە تۆمار کرد.
وەزارەتەگە لەبەیانامەیگ رەسیە ئاژانس شەفەق نیوز وت: تووشهاتنە نووەکان وەیجوورە بەشەوە بوین: ٨٢ هەولێر، ٥٣ سلێمانی، ٥٨ دهۆک، ٦ گەرمیان.
خاسەوبویەکان وەیجوورە: ٣٨ هەولێر، ٤٤ سلێمانی، ٣٢ دهۆک، ٥ گەرمیان.
وتەنیا مردنەگەی ئمڕوو لە هەولێر تۆمار کریا.
وەیەوە گشت ژمارەی تووشهاتنەکان لە هەرێم کوردستان رەسیە ١٠٩٣٥٠، لەلیان ٣٥٢٢ مردنە، و ١٠٣٧٤٤ خاسەو بوینە.
