وێنه.. كردنه‌وه‌ى په‌يكه‌ر يه‌كه‌م كه‌سيگ چاپخانه هاورده هه‌رێم كوردستان
شه‌فه‌ق نيوز/ ده‌سه‌ى گه‌شتيارى له قه‌زاى راوه‌ندوز له پاريزگاى هه‌ولێر له هه‌رێم كوردستان، ئاهه‌نگيگ سازكرد ئه‌را كه‌سيگ چاپخانه هاورده هه‌رێم كوردستان و به‌شدار بوێ له جموجويل رووژنامه‌گه‌رى كوردى و ئى ئاهه‌نگيشه له‌ڕێ وازكردن پاركيگ ك په‌يكه‌ريگ تايبه‌ت وه‌پى له‌خوه‌ى گرت، ئه‌ويش وه ريككه‌فت وه‌ل ساڵياد رووژنامه‌گه‌رى كوردى.
له‌ى باوه‌ته‌و، ئه‌ندازيار به‌هزاد خداداد فه‌يلى سه‌رپه‌رش له‌بان ئاهه‌نگه‌گه له باسيگ ئه‌را شه‌فه‌ق نيوز وت: ده‌سه‌ى گه‌شتيارى په‌يكه‌ريگ ئه‌را (حوزنى موكريانى)واز كردگه ك يه‌كه‌م كه‌سيگ بويه چاپخانه هاورده‌سه كوردستان و رۆڵ باڵايگ داشتگه له رووژنامه‌گه‌رى كوردى له قه‌زاى ره‌واندوز له پاريزگاى هه‌ولێر پايته‌خت هه‌رێم كوردستان.
فه‌يلى هه‌ميش وت: ئه‌و په‌يكه‌ره له‌ناو پاركيگ گشتى دانرياگه له‌وه‌ر ريزگرتن له كاره‌يلى و وازكردنيشى ريككه‌فته وه‌ل ساڵياد رووژنامه‌گه‌رى كوردى.
