گومابوین کابرایگ دویای بردن یەک مەلیۆن دۆلار لە خەڵک ناوچەیگ لە هەرێم

سەرچەوەیگ خۆجێیی لە ئیدارەی ڕاپەڕین لە هەرێم کوردستان، ئمڕوو سێشەممە، خەوەردا ک خەڵک یەکیگ لە ناحیەیل کەفتنە وەر فێڵبازیگ نزیکەی یەک مەلیۆن دۆلار لەلیان بردیە و وەرە شوین نادیاریگ وایە.

نەهرۆ عەبدولڵا وەڕێۆبەر ناحیەی سەنگەسەر سەروە قەزای پشدەر ئەرا ئاژانس شەفەق نیوز وت: خەڵک ناحیەگە کەفتنە وەر زەرەد لە کابرایگ فێڵباز وەناو (ئیبراهیم تەوفیق) خوەی کردگەسە پیاویگ خاوەن کاروبار و ئەوەسا بەرهەمهاوردن وە پولەیلیان کەێد، تا بایی یەک مەلیۆن دۆلار لەلیان گردەو کردگە و ئیجا گوما بویە.

وتیش؛ پیاوەگە ئەرا چەن مانگیگە گوما بویە، ک هیشت خەڵەتیاگەیل بکەفنە فتراق ئەو فێڵبازیەگ کەفتنە وەری.