کوشیان و زەخمداری وە تەقینەوەێگ لە ئیلام فەیلی
شەفەق نیوز/ قایمقام شار میران لە ئیلام فەیلی، ئمڕوو پەنجشەممە، راگەیان تەقین بومبیگ لە شار میران لە پارێزگای ئیلام فەیلی پیاوێگ گیان وە دەس دا و هاوژینەگەی زەخمدار بۊی.
مەجید کاکی قایمقام پارێزگای ئیلام فەیلی وت: ئیوارەی رووژ چوارشەممە تەقینەوەگە رۊی داگە و بۊیە هووکار مردن پیاو 43 ساڵانێگ ک دەسوەجی گیان لە دەس دایە و هاوژینەگەی زەخمدارە و ئەرا خەسخانەی شار ئیلام کلکریایە.
باس لەویش کرد ، کار ئەو پیاوە جەمکردن دۊیامەنەی جەنگ بۊیە، لە ماڵەگەی خوەی جەمیان کردیە و دەسکاری کردیە بۊیە هووکار تەقینەوەگە.
جی باسە، پارێزگای ئیلام فەێلی لە خوەرئەڵات کوردستان قۆڵتیسەی سەرەکی جەنگ هەشت ساڵەی ئیران عراق بۊیە، وەگورەی راپۆرتەێل فەرمی لە ماوەی ئەو هەشت ساڵە یەک ملیۆن و 700 هەزار هکتار لە زەۊیەێل پارێزگای ئیلام فەێلی وە تایبەت شار میران مینریژ کریاگە.
