کوشیان دوو ئەندام ئۆپۆزیسیۆن کوردستان ئیران وە پەلاماریگ چەکداری لە سلێمانی
2023-07-07T09:13:43+00:00
شەفەق نیوز/ سەرچەوەیگ ناوخوەیی، ئمڕوو جومعە، خەوەردا لە کوشیان دوو ئەندام حیزب دیموکرات کوردستان ئیران وە تەقەکردن لەلیان لە ناوچەیگ سلێمانی.
سەرچەوەگە وە ئاژانس شەفەق نیوز وت، " رویداوەگە دیروەخت دویەشەو رویدایە"، ئاشکەراکرد " چەکداریگ تەقە لە ئەندامەیل حیزب دیموکرات کوردستان کردیە لە ناوچەی قەڵادزێ سەر وە پارێزگای سلێمانی لە ئەنجام دوو ئەندام لە حیزبەگە کوشیان".
وتیش،" پەلاماردەرەگە لەدویای جیوەجیکردن پەلامارەگەی ئەرا سنوور ئیران چگە" ئاشکەراکرد،" تا ئیسە کەسە پەلاماردەرەگە نەناسریاگە".
