گورزیگ تورکیا ماشین ئەندامەیل پەکەکە لە شنگال کەێدە ئامانج
2024-07-08T10:22:50+00:00
شەفەق نیوز/ سەرچەوەیگ لە پولیس نەینەوا، ئمڕوو دووشەممە، خەوەردا لە زەخمداری سێ کەس کە گومان کریەێد پەکەکە بوون، لە ئەنجام گورزیگ ئاسمانی تورکی لە قەزای شنگال.
سەرچەوەگە ئەرا ئاژانس شەفەق نیوز وت: ئەو گورز ئاسمانیە ماشینیگ مەدەنی مارکەی تۆسان کردە ئامانج، سێ کەس ئێزدی لەناوی بوینە، مەزەنە کریەێد پەکەکە بوون، ئەوەیش لەبان ری ناوەین تەل قەسەب و قەزای شنگال خوەرئاوای موسڵ.
وتیش: زەخمدارەیل ئەرا خەسەخانە بریان، و دیار نییە ئەگەر کوشیان هاناویان.
