کوردستان ساڵیاد جینۆسایدکردن هەیشت هەزارلە بارزانیەگان کەێد
شەفەق نیوز/ ئمڕوو جمعە ٣١ تەمووز ٢٠٢٠ ، سەرۆک هەرێم کوردستان و کوردستانیەگان یادکردنەوەی ٣٧ ساڵ کردن لە هەڵمەتەیل جینۆساید بەعس دژ وە بارزانیەگان.
لە ٣١ تەمووز ١٩٨٣ رژیم سەدام حسێن دەسکردە هەڵمەت ئەنفال وەدەسگیرکردن ٨ هەزار لە ناوچەی بارزان لە هەرێم، و رەوانەیان کردە بیاوانەیل باشوور عراق، و لەورا زنیه‌وەچاڵیان کرد.
ئی هەڵمەتە فراوانەو بوی وەرەو ناوچەیلیگ تر لە هەرێم، تا رەسیە کوشتن ١٨٠ هەزار کەس لای کەمەو، فرە لە مناڵ و ژن وپیر لەناویان بوی، وهەمیش کۆچبردن و ئاوارەی هەزارانیگ تر.
ولەوەر ریکارە مقیەتیەگان لە ڤایرۆس کۆرۆنا، حکومەت هەرێم کوردستان وسانن رێوڕەسمەیل ساڵیاد هەڵمەتەیل ئەنفال راگەیان.
لەبەیاننامەیگ ئەرا نێچیرڤان بارزانی سەرۆک هەرێم وت: لە رووژیگ جوور ئمڕوو، گیان هەیشت هەزار مەدەنی لە بارزانیەگان لەدەس بریا، وئەرا ماوەی دە رووژ لەشارەیل هەرێم لەلیان بردن، و لە بیاوان باشوور عراق جینۆساید کریان.
لەلای خوەییش مەسرور بارزانی سەرۆک حکومەت هەرێم وت: بارزانیە ئەنفالکریایەگان، زنیه‌وەچاڵ کریان، و ودڕندەیی خریانە قەورە کۆمەڵیەگان، تەنیا وەدەسپیچگ کوردبوینیان.
و هەدردوگ وەرپرسەگە رێککەفتن ک ئەو هەڵمەتەیلە پێشەکی هەڵمەتەیل ئەنفال بوین.
سەرۆک حکومەت هەرێم دووپاتکرد لە پابەندبوین حکومەتەگەی وە چەودیری کردن خیزانەیل شيهیدەیل و ئەنفال کریایەیل وگوەرەی تواناگانی، ولە خود وەختەگە وەردەوام بوود لە هەوڵەگانی وەگەرد حکومەت فیدڕاڵی لەی باوەتە، ودووارە جەختکەێمن لە گرنگی قەرەبووکردن خیزانەیل ئەنفال کریایەگان لە کوردستان لەلایەن حکومەت فیدڕاڵی لە روی دارایی ودەوروونی.
لە ٣ ی ئایار ٢٠١١ ، دادگای باڵای تاوانەگان عراق، هەڵمەت ئەنفال وە تاوانیگ دژوە مرۆیی و جینۆسایدکردن دانا.
سەدام وەرپرسی هەڵمەتەگە داگە فەریق یەکەم عەلی حەسەن مەجید تکریتی ، ک خوەی سەرکردەس لە حزب بەعس، تا لە ١٦ی ئادار ١٩٨٨ دەسکردە گورز ئاسمانی و توپواران کیمیاوی لەبان هەڵەبجە وئاوایەگان لە دەوری.
دویای ٢٠٠٣ دارودەسەی رژیمەگە گریان و ژمارەیگیان تاوانبار کریا، لەلیان سەدام حسێن بوی لە باوەت ئەنفال، و فەرمان وەسێدارەدان لەبان بەشیگیان دەرچگ و لەلیان عەلی حەسەن مەجید بوی
