کوردستان راگەینێد وەرگردن ٢٠٠ ملیار دینار لە بەغداد
2021-10-04T15:07:04+00:00
شەفەق نیوز/ وەزارەت دارایی لە هەرێم کوردستان، ئمڕوو دووشەممە، راگەیان وەرگردن ٢٠٠ ملیار دینار لە حکومەت فیدراڵی لە بەغداد.
لە بەیاننامەی کوڵیگ رەسیە ئاژانس شەفەق نیوز وت : لە چوارچێوەی رێککەفتن ناوبەین حکومەت هەرێم کوردستان و حکومەت فیدراڵی، ئمڕوو بایی ٢٠٠ ملیار دینار عراقی رەسیە دەس هەرێم کوردستان.
وەگورەی بەیاننامەی وەزارەت دارایی کوردستان، رێککەفتنەگەی ناوبەین بەغداد و هەولێر ئۊشێد بایەتە حکومەت فیدراڵی تا کۆتایی ئی ساڵە بایی ٢٠٠ ملیار دینار ئەرا هەرێم کوردستان کل بکەێد، تا ئەوەنە ووردبینی لە داهاتەیل هەرێم کوردستان لەلایەن دەسەی چەودیریکردن فیدراڵی تەواو بوود.
