کوردستان ٤٨٨ تووشهاتن نوو و ٢١ مردن وە ڤایرۆس کۆڕۆنا تۆمارکەێد
شەفەق نیوز/ وەزارەت تەندروسی لە هەرێم کوردستان، ئمڕوو دووشەممە، راگەیان تۆمارکردن ٢١ مردن و ٤٨٨ تۊشهاتن نوو وە ڤایڕۆس کۆڕۆنا، لە ماوەی ٢٤ ساعەت گوزەیشتە.
وەزارەتەگە لەبەیاننامەی ژمارەی ٢٧١ لە هەڵوێست رووژانەی پەتاگە لەماوەی ٢٤ ساعەت گوزەیشتە لە هەرێم لە نواگردن ڤایڕۆس کۆڕۆنای نووەوەبوی کۆڤید-١٩ ک رەسیە ئاژانس شەفەق نیوز وت: ٥٥٧٤ تاقیکردنەوە ئانجامدا وەیجۊرە: ١٦٣٨ هەولێر، ٨٥١ سلێمانی ، ٢٩٠٩ دهۆک، ٨٥١ هەڵەبجە، ١١٣ گەرمیان، ٤٣ راپەڕین.
بەیاننامەی وەزارەتەگە وتیش؛ لەماوەی ٢٤ ساعەت گوزەیشتە ٤٨٨ تۊشهاتن نوو تۆمارکرد وەیجۊرە بەشەەوبۊن: ١٥٢ هەولێر، ١٢٨ سلێمانی، ١٧٨ دهۆک، ٦ هەڵەبجە، ١٦ گەرمیان، ٨ راپەڕین.
و دووپاتکرۆ لە خاسەوبۊن ١٦٤ تۊشهاتگ وەیجۊرە: ١١٤ هەولێر، ٦ سلێمانی، ١ دهۆک، ١١ هەڵەبجە، ٣٢ گەرمیان.
بەیاننامەگە هەمیش وت: ٢١ تۊشهاتگ ئمڕوو مردن، وەیجۊرە: ٦ هەولێر، ٦ سلێمانی، ٣ دهۆک، ١ هەڵەبجە، ٢ گەرمیان، ٣ راپەڕین.
بەیاننامەگە ئاماژەدا ک بڕ گشتی تۊشهاتنەگان لە وەخت بڵاوبوین ڤایڕۆس کۆڕۆنا لە هەرێم تا ئیسە رەسیە ٩٣٩٢١ تۊشهاتگ، لەلیان ٥٨١٠٥ بیمار خاسەوبۊنە، وهیمان ٣٢٨٠١ لەلیان هانە چارەسەری، و ٣٠١٥ مردنە.
