وانەبێژەیل سلێمانی روی خوەنیشاندانەگەیان وەرەو بەغداد ئاڵشتکەن
محەمەد کەمال، نوێنەر وانەبێژەیل لە سلێمانی لە کۆنگرەیگ رووژنامەوانی کە ئاژانس شەفەق نیوز ئامادەبوی راگەیان؛ " لە دویای گردەوبوینیگ کە ماوەی زیاتر لە سێ ساعەت وەردەوام بوی بڕیاردایمن ئاراستەی داواکاری خوەنیشاندانەیلمان وەرەو بەغداد بکەیمن لەجیای هەرێم کوردستان وەپای ئەوەک سەرکردایەتیەیل ئویشن چەوەڕێ ئاڵشتبوین بارودۆخیمن وەلایەن بەغداد وەی مدووە ئاراستەی داواکاریمان وەرەو حکومەت فیدراڵی کەێمن".
وتیش "خوەنیشاندان و مانگردنمان وەردەوامە تا بەغداد شایستە دارایەیل هەرێم کلکەێد دویای ئەوەگ ئەرا هۆڵەیل خوەنستن گلەوخوەیمن هەر جویر ئەوەگ وەزیر پەروەردەی هەرێم کوردستان ئمڕوو دووپاتکرد قەیران هووکارەگەیە کە شایستە دارایەیل نیەرەسنە هەرێم".
وتیش "رووژ یەکشەممەی ئایندە وانەبێژەیل پاڵپشتی ماموسایەیل نارازی کەن لەپشتیانیمن تا ئەو مەوقەی شایستە دارایەیلیان خەرجکرێد".
