واران وارین لە دهۆک دەسوەپی کەێد و پلەی گەرمی داوەزێد
2024-02-12T08:47:06+00:00
شەفەق نیوز/ دەسەى کەشناسی و زەویلەرزەناسی هەرێم کوردستان، ئمڕوو دووشەممە، کەشوهەوای دوو رووژ دیاریکرد.
دەسەگە لە بەیاننامەیگ رەسیە ئاژانس شەفەق نیوز وت "ئمڕوو ئاسمان نیمە ئەورە و تەنکە ئەورە و پلەی گەرمی نزیکە لە توومارەیل دویکە" ئاشکەرایکرد "سوو سێشەممە ئاسمان ئەور تەواوە لەوەخت شەو واران وارین لەناوچە کویەیلەی پارێزگای دهۆک دەسوەپی کەێد و پلەی گەرمی نزیکەو بوود لە توومارەیل ئمڕوو".
بەرزترین پلەی گەرمی مەزەنەکریاگ وە سیلیزی:
هەولێر : 21
سلێمانی : 20
دهۆک : 21
کەرکوک : 22
هەڵەبجە : 21
زاخۆ :22
سۆران : 20
حاجی ئۆمەران : 11
گەرمیان : 24.
