چوار مردن و ٣٠٤ تووشهاتن کۆڕۆنا لە ئیدارەی سەروەخوەیی
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو دووشەممە، راگەیان تۆمارکردن چوار مردن لەوەر ڤایڕۆس کۆڤید-١٩ لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە باکوور و خوەرهەڵات سوریا لە بەیاننامەیگ رەسیە ئاژانس شەفەق نیوز وت: مردنە نووەکان ئەرا ژن و پیاویگ لە قامیشلۆ و پیاویگ لە دێریک و پیاویگ تر لە حەسەکە تۆمار کریا.
وتیش؛ ٣٠٤ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ١٥١ پیاو و ١٥٣ ژن تۆمار کردنە.
تووشهاتتە نووەکان وەیجوورە بەشەوە بوین: ٥٧ حەسەکە، ١٣٧ قامیشلۆ، ٥٩ دێریک، ٤ رمێلان، ١ کەرکی لەکی، ١٧ دەرباسیە،٢ کۆبانی، ٢٤ ریقە، ٣ مەنبج.
وتیش؛ پەنج خاسەوبوین نوو تۆمار کردن.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی لە باکوور و خوەرهەڵات سوریا رەسیە ١٠٨١٣، لەلیان ٣٩٦ مردنە، و ١٣٣٤ خاسەو بوینە.
