واکسین کۆڕۆنا.. یەکەم جار ئەرا مامووستایلە

شەفەق نیوز/ وەزیر پەروەردە لە هەرێم کوردستان، ئمڕوو دووشەممە، دووپات کرد ک وەزارەت تەندروسی هەرێم کوردستان یەکەم جارەگە لە وەرگردن واکسین دژوە ڤایڕۆس کۆڕۆنا داگەسە مامووستایل.

ئالان حەمە سەعید وەزیر پەروەردە لا کۆنگرەیگ رۆژنامەوانی ئمڕوو و ئاژانس شەفەق نیوز ئامادەی بوی وت: فەرمان نیە لەبان مامووستایل  واکسین دژوە کۆڕۆنا وەربگرن، وەلی وەزارەت تەندروسی یەکەم دەرفەت وەرگردن واکسینەگە وە مامووستایل داگە.

دەربارەی ئامارەیل مردنەیل لە مامووستایل لەوەر ڤایڕۆسەگە، وەزیرەگە وت: گشت ئامارەیل هانە لای وەزارەت تەندروسی، و وەزارەت پەروەردە هیچ ئاماریگ دەربارەی هەژمار ئەو مامووستایلە ک لەوەر پەتاگە مردنە نەیرێد.