وینه...لە سلێمانی دەسنەێد وەبان خوەراک وەسەرچگ تایبەت ئەرا جەژن

شەفەق نیوز/ دەسڵاتدارەیل پارێزگای سلێمانی، ئمڕوو دوشەممە، راگەیان دەسنانە وەبان خوەراک وەسەرچگ ک لەناوی دانا و خاوەنەگەی غەرامە کردنە. 

پەیامنێر ئاژانس شەفەق نیوز لە سلێمانی وت؛ لیژنەی قایمقامیەت سلێمانی تایبەت  وەدویاچگن تەندروسی ئمڕوو لە بازار شارەگە گەردینیگ ئەنجامدان ئەرا چەودێری کردن رێکارەیل تەندروسی چێشتخانە و کافتریاگان. 

وتیش، لیژنەگە دەسنا وەبان بڕیگ گوشت و تەماتەی خەراوبوی و ک گونجیاگ نییە ئەرا وەکارهاوردن ئایەم، دویاجار لەناوی دانە و خاوەنەگە غەرامە کردنە لەوەر پابەند نەوین وە رێنمایەیل تەندروسی. 

پەیامنێرمان وتیش، لیژنەگە خشتەیگ دانانە ئەرا چەودێری کردن و وە دویاچگن کردن نرخەیلە لە رووژەیل جەژن لەوەر وازی  نەکردن وە نرخەیلە.