وێنە.. وەفر پەک جۊلەکردن لە سلێمانی خەێد
شەفەق نیوز/ وەفروارینە خەسەگە، لە شەوەکی ئمڕوو پەنجشەممەو، پەک جۊلەکردن لە شار سلێمانی و ناوچەیلیگ تر لە هەرێم کوردستان خستیە.
ئەو شەپۆل وەفروارینە هیشت دەر مەکتەوەیلە بوەسیەن، و جۊلەی هاتوچگن بڕی، و جادە و شۊنە گشتیەیلە کردە شۊنەیل نیمچە چووڵیگ.
وەگورەی دەسەڵاتەیل سلێمانی، بەرزی وەفرەگە لە بەشیگ لە ناوچەیلە لە یەک مەتر زیاتر بۊی، ک لە دۊیەکە چوارشەممەو و سێ رووژیش وەرجە چوارشەممە وەفر وارێد.
پسپۆڕەیل کەشناسی وتن: وەفروارینەگە فرەی ساعەتەیل ئمڕوو وەردەوام بوود.
دەزگایل حکومەتی رەسینە ٢ازکردن ئەو ریەیلە ک وەرەو خەسەخانە و شۊنە گشتیەیلە چن، و وەڕێەوبەرایەتی هاتووچو لە پارێزگاگە داوا کرد رۊی وەرەو ریە کۊیەیلە نەکەن.
لەلای خوەییش دەسەی فریاکەفتن لە پارێزگای سلێمانی هوشداری لەبئەگەر رووداوەیل هاتوچوو کرد کەوەر خەسی وەفرەگە.
دەسەگە لە بەیاننامەیگ رەسیە ئاژانس شەفەق نیوز وت: ئەگەر رووداوەیل هاتوچوو وەگەرد خەسی وەفروارانەگە زیای بوود.
دەسەگە دەسنشان ئەوە کرد ک تیمەیل تایبەت دیرن ریەیلە لە وەفر پاکەو کەن، وتیش؛ رخیگ لەبان رانندەیل هەس، و داوا لە رانندە و هاووڵاتییەل کرد وەخاتر سەڵامەتییان لەماڵ نەچنە دەر.
