وێنە. وەگەرد دەسکرن وە ساڵ خوەنستن خۆپیشاندانیگ ئەرا مامۆستاکان لە ناوچەیل کوردستان
شەفەق نیوز/ دەیان لە مامۆستاگان لە پارێزگای سلێمانی، شەوەکی ئمڕوو یەکشەممە، دەرچگنه خۆپیشاندانیگ ناڕەزایی لە دیرکەفتن خەرج مووچەیل، وبڕین بەشیگ لەلی، و وەکارهاوردن خوەنستن ئەلیکتڕۆنی ئەرا ساڵ ٢٠٢٠-٢٠٢١ لەوەر بڵاوبوین ڤایڕۆس کۆڕۆنا لە هەرێم کوردستان.
پەیامنێر ئاژانس شەفەق نیوز وت: دەیان لە مامۆستاگان رێپێوان ناڕەزایی لەنوای بینای وەڕێۆبەرایەتی پەروەردەی خوەرئاوای کوردستان رێکخستن، وبڕیگ دواکاری ئەرا وەزارت پەروەردە و حکومەت هەرێم کوردستان ئاڕاستە کردن.
وتیش؛ خۆپیشاندەرەگان باس لە رەتدکردن خویان کردن لە بڕیار حکومەت وە بڕین بەشیک لە مووچەیلیان وهەمیش دیرکەفتن خەرجیان لە مەوقە دیاریەگە، وهەمیش خوەنستن لە دویریەو رەتکردن.
ولە هاووەختی ئەوە، مامۆستاگان جادەی سالم لەناوڕاس شار سلێمانی بڕین، و چالاکوانەگانیش لەدەورگردیان وسیان.
وە شیوەی ئەوەیش، دەیان لە مامۆستاگان لە پارێزگای هەڵەبجەیە وناوچەیل راپەڕین و گەرمیان دەرچگن.
