وێنە. هەرێم کوردستان ئامادەکاریەیلی ئەرا پێشوازیکرن لە پاپا تەواو کەێد
2021-03-03T14:37:12+00:00
شەفەق نیوز/ وەڕێۆبەرایەتی باوەتەیل مەسیحیەکان لە وەزارت ئەوقاف لە هەرێم کوردستان، ئمڕوو چوارشەممە، راگەیان تەواوکردن ئامادەکاریەکان ئەرا پێشوازیکردن لە پاپای ڤاتیکان، ک تەگبیرە رووژ جمعەی ئایندە بڕەسێدە بەغداد پایتەخت.
خالد ئەلبێرت وەڕێۆبەر باوەتەیل مەسیحیەکان لە وەزارت ئەوقاف کوردستان، ئەرا ئاژانس شەفەق نیوز وت: گشت ئامادەکاریەکان ئەرا سەردان پاپا ئەرا هەرێم کوردستان تەواو بوین، ک خوەی سەردانیگ مێژوویە لە ساڵ ٢٠٢٠ تا ئیسە چەوڕیی کەیمن، و سوپاس ئەرا خودا ک وەجی هات.
وتیش؛ پاپا ئەوەسا چەوی کەفێدە ژمارەیگ لە پیاوە ئاینیەکان و هەمیش وەرپرسە گەوراکان لە حکومەت هەرێم، و لایەنە سیاسییەکان وپیاوە ئاینیەکان لەو پێکهاتەیل تر و نۆێنەرەیل رێکخراوەیل کۆمەڵگای مەدەنی.
