وێنە.. بازاڕەیل دهۆک وەرجە جەژن نەورووز
شەفەق نیوز/ خەڵک شار دهۆک لە هەرێم کوردستان، ئامادەکاری ئەرا ئاهەنگ بیسویەک ئادار وە جەژن نەورووز کەن، ئەویش وە چگن وەرەو بازاڕەیل ئەرا دڵنگ و چشت سەنین.
سەنین دڵنگە کەلتووریە کوردیەکان ئەرا ژنەیل و پیاوەیل لە زاقترین خوازینەیل جەژن نەورووزن، و هەمیش ئەو ئامادەکاریەیلە ک ئەرا سەیران خیزانەیل لە باوەش سرووشت کوردستان.
خۆرشید ئەحمەد خاوەن دوکان بەزازییە، ئەرا ئاژانس شەفەق نیوز ئووشێد؛ هاتن مەردمەگە ئەرا سەنین پارچەی دویرانن دڵنگ کوردی ئمساڵ کەمە، لەوەر خراوی رەوشە ئابووریەکان و تەندروسیەکان وە سای پەتای کۆڕونا.
لەلای خوەییش، فەرهاد محمود خاوەن دوکان فرووشتن دڵنگ کەلتووری کوردی پیاوانە، ئووشێد؛ ئەرا دوویەم ساڵە لە شوون یەک جمووجوڵەگە کەمە.
وتیش؛ مەردمەگە رخیان لە دووارە سەختەوکردن ریکارەیل کۆڕۆنا چوود، ک شایەت ری وە ئاهەنگەیل جەژن نەورووز نەیەێد.
