وە ٢٠ پڕۆژە.. فیستواڵ ئەندازیاری کشتوکاڵی لە یەکەمین چاپی لە کفری
2023-03-07T10:20:48+00:00
شەفەق نیوز/ لە قەزای کفری سەروە ئیدارەی گەرمیان، ئمڕوو سێسەممە، دەسکریا یەکەمین فیستواڵ خوەنەوارەیل کولێژ ئەندازیاری کشتوکاڵی، وە خاتر بەرزەوکردن توانای خوەنەوارەیل و فراوانکردن دەرفەت کار ئەرا گەنجەیل.
سامان کەریم قسەکەر یەکەمین فیستواڵ ئەرا ئاژانس شەفەق نیوز وت: فیستواڵەگە وە ئامادەبوین بڕ گەورەیگ لە مامووستا و هاووڵاتیەیل وەڕیەو چگ، ک خوازێد توانای خوەنەوارەیل لە داهێنان بەرزەو بکەێد، و فراوانکردن هویر پڕۆژەیل بازرگانی، ک گیچەڵ بیکاری وە دابینکردن دەرفەت کار کەمەو کەێد.
وتیش: فیستواڵەگە ٢٠ پڕۆژەی کشتوکاڵی وەلایەن خوەنەوارەیل هاناوی، وەگەرد کارەیل دەسی، و نمایشکردن ئەو بەرهەمەیل کشتوکاڵیە ک خوەنەوارەیل کولێژ ئەندازیاری کشتوکاڵی سەرپەشتییان کردنە.
کەریم وتیش: زانکۆی گەرمیان تەگبیر دیرێد پاڵپشتی توانا و داهێنان خوەنەوارەیل بکەێد، وەتایبەت ئەوانەگ گرنگی وە گەشەداین رەوش ئابووری و زانستی کۆمەڵگا دەن، و ئەوەسا لە ساڵەیل بانان فیستواڵەگە وە چاپ هاتگی گەشە وەپی کریەێد.
