وە فەرمان سودانی...بەغدا نەفت چەرمگ ئەرا کوردستان کلکەێد
2023-01-25T07:50:17+00:00
شەفەق نیوز/ وەزیر نەفت حکومەت فیدراڵ حەیان عەبدولغەنی، ئمڕوو چوارشەممە، فرمان کلکردن نەفت چەرمگ دا ئەرا هەرێم کوردستان لەبان فەرمان سەرۆک وەزیرەیل محەمەد شیاع سودانی.
سەرچەوەیگ حکومەتی وە ئاژانس شەفەق نیوز راگەیان،" وەزیر نەفت فەرمان کلکردن 60 ماشین بارهەڵگر نەفت دایە ئەرا پارێزگایەیل هەرێم کوردستان، جویر دەسمیەتیگ ئەرا رویوەڕوی بوین شەپوول سەرما لەو شارەیلە".
پارێزگا و ناوچەیل هەرێم ئادەرا دویەم رووژ وەبان یاک شەپوولیگ سەرمای سەختیگ وەخوەیان دوینن پلەی گەرما ها لە نیوان 1-3 پلە.
نرخ نەفت چەرمگ لەناوچەیل هەرێم کوردستان بەرزەوبویە، وەشیوەی وەرچەویگ هاوکات وەگەرد شەپوول سەرماگە و هاتن شەپوولیگ لە وەفر وارین، هاوڵاتیەل گلەیی کەن لەی بەرزبوینە ک هاوکات وەگەرد بەرزبوین نرخ دۆلار وەرانوەر دینار عراقی.
