وەشیوەیگ دەگمەن...وەفر و سەردی تونیگ سلێمانی پووشێد (وینە)
پەیامنێر ئاژانس شەفەق نیوز وت، ناوچە کویەیلە لە پارێزگای سلێمانی وە دیارکریاگی "کویەی گوێژە" و ناوچە جیاوازەیل ناو شار وەفر وارین و داوەزین وەرچەویگ لە پلەی گەرمی وەخوەیانەو دین، ئاشکەرایکرد، وەفرەگە کویەیل و بەرزایەگان و بڕیگ جادەیل پووشیە.
لە وەخت گوزەشتە، شەوەکی ئمڕوو چوارشەممە، وەڕێوەبەرایەتی گشتی پەروەردەی پارێزگای سلێمانی، دەسڵاتدا وە وەڕێوەبەرایەتیەگانی دەوام فەرمی مەکتەوەیل و دامودەزگایەیل فێرکاری بکەێدە پشوو لە حالەتیگ هەر مەترسییگ بوی لەدویای ئەو وەفر وارینە لە دویەشەوەو روی کردیەسە پارێزگاگە.
وەڕێوەبەرایەتیەگە ئمڕوو لە بەیاننامەیگ وت، "لە گوزەشتەیش دەسڵات دابویە وەڕێوەبەرایەتیەل پەروەردە و سەرۆک یەکەیل ئیداری وەڕێوەبەرایەتیەل بتوەنن بکەنێ پشووی فەرمی ئەرا سەلامەتی خوەنەوار و مامووسا و فەرمانبەرەیل وە مدوو وای توون و وەفر وارین".
وەڕێوەبەرایەتی هاتوچو سلێمانیش، ئمڕوو راگەیان، ئەرا پاراستن سەلامەتی هاوڵاتیەیل و رانندەیل لە مەترسی ئێ شەپۆل وەفر و وای توونە کە بوودە مدوو بەسین ریگە و بانەیل وە تایوەت ناوشار، دووپاتکرد تونێلەگە وە شیوەی وەختانە بەسێد لەوەر وەفر وارین و شەختە.
هاتوچو سلێمانی لە بەیاننامەگەی داواکرد لە هاوڵاتی و رانندەیل وە وریاییەو ریگەوبانەیل وەکار بارن وە تایوەت جادەی بازنەیی "مەلیک مەحمود" لەنوای هۆتیل تایتانک، مەزەنەکرێد پلەی گەرمی لەدویای شەو داوەزێد و فرەیگ لە جادەیل یەخ بنەێد.
