وە سەنگبۊییگ لە چەمچەماڵ مەزەنەی سێ هەزار ساڵ وەرجە زاین ئەرای کریەێد
شەفەق نیوز/ لە ئاوای “تەژگا” لە نزیک چەرموو، لە قەزای چەمچەماڵ وەسەنگبۊیگ پەیاکریاگە، ک وەپای نیشانە سەرەتاییەیل مەزەنەی سێ هەزار ساڵ وەرجە زاین لەلیکریەێد.
عەدنان ساڵەیی، نوسەر وتوێژەر، ک خوەی سەردان وەسەنگبۊیەگەی چەمچەماڵ کردیە وە رووژنامەنوسەیل وت “سوقان ئی ئاژەڵ وە سەنگبۊیە گەپە و وەگورەی ئەو نیشانەیلە ک سوقان ئاژەڵەگە تێکەڵ تاوێرە سەنگەگە بۊیە، مێژووەگەی ئەرا هەزاران ساڵ چوودەو”.
تا ئیسە هۊیچ تیمیگ حکومەتی یا پسپۆڕ نەڕەسیەسە بان وە سەنگبۊیەگە و بڕیارە تیمیگ لە ئاسەوار سلێمانی سەردان وەسەنگبۊیەگە بکەێد.
وتیش؛ “بەشیگ لە سوقانەیلە ئەو ئاژەڵە مایە و بەشیگی دیار نییە، هیواخوازیمن لەرێ لێکۆڵینەوە و DNA مێژووی راسی وە سەنگبۊیەگە دیاری بکرێد”.
ئەو شۊنە کە وەسەنگبۊیەگە لەلی پەیاکریایە تەنیا دو کیلۆمەتر لە (ئاوای چەرموو) دۊرە ک ئاوایگە مێژووەگەی ئەرا سەرەتای شارستانیەت ئایەم چوودەو، ئەوە وەبەڵگە و چەسپانن تیمیگ لە لێکۆڵینەوەی زانکۆی شیکاگۆ ئەمریکی.
