وەزیر وەرگری ئەڵمانیا ئەرا نێچیروان بارزانی دووپات کەێد لە پاڵپشتیکردن وەردەوام وڵاتی ئەرا عراق لە دژایەتی تیرۆر

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی لە دیدارەگە ئافەرین لە رۆڵ ئەڵمانیا کرد لە جەنگ دژوە داعش و دووارە سوپاس و ڕێز لە پشتگیریکردن ئەڵمانیا ئەرا عراق و هەرێم کوردستان کرد، و دەسخوەشی لە ئەڵمانیا کرد ئەرا دەسمیەتیداین لە وەیەککردن هیزەیل پیشمەرگە.

لەلای خوەییشڕ وەزیر وەرگری ئەڵمانیا سوپاس و رێزی ئەرا رۆڵ پیشمەرگە لە جەنگ داعش و شکستهاوردنی پیشکەش کرد، و دووپاتکردنی نووەو کرد لە هاوکاری وەردەوام وڵاتەگەی و پاڵپشتیکردن عراق و هەرێم کوردستان لە نواگیری تیرۆر و رخەیل ئەمنی.