وەردەوامی شەرمەزارکردن دەستدرویژییەیل ئیران لەبان هەولێر

 گەشە دارا، خانمە چالاکوان مەدەنی لەناو کۆنگرەیگ ڕوزژنامەوانی، کە ئاژانس شەفەق نیوز ئامادەی بوی، وت "وە تونی ئیدانەی ئەو بۆردومانە کەیمن کە شار هەولێر کردە ئامانج، کە پێشێلکردن سەروەری عراقە و کار ئەرا شیوانن ئاسایش و ئارامی وڵات کەێد".

 وتیش: ساڵانیگە تورکیا و ئیران پەلامار دووارە لەبان زەوییەیل عراقی وە گشتی و هەرێم کوردستان وەتایبەتی ئەنجام دەن، وە پشتگووشخستن نۆرم و یاسا ناودەوڵەتییەیل.

 وتیش "لە ماوەی ساڵەیل گوزەشتە هەردوگ وڵات پەلامار سەربازی ئەنجامدانە و نزیکەی 215 بنکەی سەربازی لە هەرێم کوردستان دامەزراننە، لەو ریەو پەلامار خاک هەرێم ئەنجامدریاس".

ئاشکرا کرد کە "پەلامارەیل لە ساڵ 1999ەو تا ئیسە وەردەوامن، و بویەسە مدوو شەهیدبوین نزیکەی 850 هاوڵاتی و زەخمداری هەزاران هاوڵاتی، و ئەو دوو وڵاتە شوینە مەدەنییەیل ناو شارەیل و گەڕەکە نیشتەجیبویەیل جویر فڕۆکەخانە، هاووڵاتیەیل کردنەسە ئامانج". ماڵ و خەسەخانە و شوین پەرستن و مەکتەوەیل."

دارا دووپات کرد کە "ڕی پەلامارەیلە بوینە مدوو شیوانن سروشت وڵات، لەوانە شاخ و فەزای سەوزایی، یەیش بویە هوکار سزیان نزیکەی 1,800,000 دۆنم زەوی و تووپیان زیاتر لە 2,500 ئاژەڵ کویەیی و لەناوبردن هەزاران شانە هەنگ".

 وتیش "دەستدرویژکارەیل رەفتار وەرد ناوچەیل هەرێم کردنە چماێ بەشیگ لە عراق نیین و هویچ لایەنیگ وەرپرسیار هەڵوێست خوەی لەو پەلامارەیلە نشان نەیا".

هەمیش وت “لە دویای جەنگ ئیسرائیل و فەلەستین، هیزەیا ئیران پەلامار فرەیگ لەبان فڕۆکەخانەی هەولێر و شوینەیل ترەک ئەنجامدان، ئیجا پەلامار شەو 16ی 1 بوو، کە ماڵیگ مەدەنی لە ناوڕاس هەولێر کردە ئامانج و کوشیان هاوڵاتیویل بیتاوان لەلی کەفتەو، کە رەوشیگ رخبەر و ناسەقامگیری لەناو خەڵک دروسکرد.” لە وەختیگ هویچ وەڵامیگ کردەیی و کاریگەر لەلایەن حکومەت عراقەو ئەرا نواگیری ئی پەلامارەیلە نەوی.”

خوەینشاندەرەیل داوا کردن، هەرسێ سەرۆکایەتییە فیدراڵییەگە ئەرکە دەستووری و یاساییەیل ئەرا مقیەتیکردن ئاسایش و سەروەری زەوییە عراقییەیل وەگورەی مادەی 67 دەستوور عراق جیوەجی بکەن، کە ئەو دەسەڵاتەیلە پابەن بکەێد وە مقیەتیکردن سەروەری خاک عراق و ئاسایش و بیوەیی لە گەلەگەی، و پەنا ئەرا کۆمەڵگەی ناودەوڵەتی بوەن تا زوور  بخەێدە مل ئەو وڵاتە دەستدرویژکارەیلە تا پەلامارە دووارەیلیان بووسنن.

وەرجەیە ناسر کەنعانی، قسەکەر وەزارەت دەیشت ئیران راگەیان؛ بۆردومانەگەی ئیران لەبان شار هەولێر پایتەخت هەرێم کوردستان، "ناکۆکی نییە" وەگەرد سەروەری عراق، کە لەلایەن حکومەتەیل بەغدا و هەولێرەو رەت کریەێد، کە ئیدانەی بۆردومانەگە کردنە و وە "کردەوەیگ شەڕانگێزانە" وەسفی کردنە.

شەو دووشەممە لەبان سێشەممەی هەفتەی گوزەشتەر سوپای پاسداران ئیران پەلاماریگ سەخت وە مووشەک بالیستیک جیوەجی کرد و ناوچە مەدەنییەیل شار هەولێر کردە ئامانج و لەوەر ئەوە  10 هاوڵاتی مەدەنی کوشیان یا زەخمدار بوین.

سوپای پاسداران وەرپرسیارێتی خوەی لەو پەلامارە هەڵگرد کە هەولێر کردە ئامانج و لە بەیاننامەیگ راگەیان کە “لە وەڵام تاوانەیل ڕژیک زایۆنیستی دژ وە کۆمار ئیسلامی هات کە دوایینیان کوشتن شمارەیگ لە سەرکردەیل پاسەوان وە  گولەی زایۆنیستەکان. بارەگایگ گەورەی سیخوڕی ئەرا مۆساد لە هەرێم کوردستان عراق کریا ئامانج و وە مووشەک بالیستی لەلی دریا." ".

قاسم ئەعرەجی، ڕاوێژکار ئاسایش نیشتمانی عراق دووپات کرد کە دەسپیچگ ئیران ئەرا وەئامانجگرتن بارەگایگ مۆساد لە پارێزگای هەولێر بی بنەماس.

هەرلیوا، ڕێبەر ئەحمەد وەزیر ناوخۆی هەرێم کوردستان و قاسم ئەعرەجی ڕاوێژکار ئاسایش نیشتمانی کە سەرۆکایەتی شاندیگ باڵای ئەمنی کەێد، نووڕینە لە شوین گورزەیل سوپای پاسداران ئیران لە ناوچەیل شا هەولێر، کە لە ئەنجامی زیان گیانی و زەخمداری لە ناو خەڵک مەدەنی لەلی کەفتەو.

ئەنجومەن ئاسایش هەرێم کوردستان ئەو بۆردومانە مووشەکییەی سوپای پاسداران ئیران کردە ئامانج، کە ناوچە مەدەنییەیل شار هەولێر کردە ئامانج، وە “پێشێلکردن ئاشکرای سەروەری” ناوچەگە و گشت عراق زانست.

لە ئاست ناودەوڵەتییش وەزیرەیل چەن وڵاتیگ بۆردومانەگەی ئیران شەرمەزار کردن، و ڕاوێژکار ئاسایش نیشتمانی ئەمریکا دووپات کرد کە ئی وەئامانجگرتنە وەرد سەرۆک جۆ بایدن تاوتوێ کەێد ئەرا جیوەجیکردن ریوشوین مقیەتیکردن ئاسایش هەرێم.

یەیش لە ناو چەن دیداریگ هات کە مەسرور بارزانی سەرۆک حکومەت هەرێم کوردستان وەگەرد وەرپرسەیل، لە پەراویۆ کۆڕبەند ئابووری جەهان لە داڤۆس سویسرا وەڕیەو چگ.