وەگەرد مانگردن دەیان نانەواخانە.. ئاگر ناواخانەیگ لە هەولێر سزنێد (ڤیدیۆ)
2024-01-10T12:11:44+00:00
شەفەق نیوز/ سەرچەوەیگ ناوخوەیی، ئمڕوو چوارشەممە، خەوەردا لە هیزگردن ئاگر لەناو یەکیگ لە نانەواخانەیل شار هەولێر، پایتەخت هەرێم کوردستان.
سەرچەوەگە وە ئاژانس شەفەق نیوز وت "ئاگرەگە نزیکەی ساعەت 12:30 لە کویچەی (شێخ ئەحمەد) لەناوڕاس شار هەولێر هیزگردیە و بویەسە هووکار زەخمداری کراکاریگ ناواخانەگە".
سەرچەوەگە وتیش "تیم وەرگیری شارستانی تا ئیسە تەقەلای کۆنترۆلکردن ئاگرەگە دەن".
شار هەولێر، ئمڕوو، مانگردن زیاتر لە 600 نانەواخانە وەخوەی دی، لەوەر بڕیار داوەزانن نرخ نان کە لە رووژ دووشەممەی وەرین چویەسە جیوەجیکردن، کە نرخ هەر (10) نان یا سەموون تەنیا (1000 دینارە).
