پوڵ ئاسەواری خانەقین داد کەێد
2021-01-15T15:52:03+00:00
شەفەق نیوز/ کومەڵیگ لە خەڵک شار دابڕیاگ خانەقین، ئیوارەی ئمڕوو جمعە، لەلای پوڵ ئاسەواری خانەقین گردەو بوین، و وساننیگ ناڕەزایی لەبان رمانن بەشیگ لە دیوار پوڵەگە، و بەشیگ تر لە یەکیگ لە پایەگانی کردن ک کریاسە بینادکردن ئەرا کاریگ بازرگانی.
سەعەد عزیز یەکیگ لە ناڕەزاگان ئەرا ئاژانس شەفەق نیوز وت: ئی پوڵ ئاسەوارییە سومبل مێژووی شار خانەقینە، و نەبایەت وە هیچ شیوەیگ دەسکاری بکریەێد.
ئەحمد یوسف کەسیگ تر بوی لەناو ناڕەزاییەگە هەمیش ئەرا ئاژانس شەفەق نیوز وت: ئیمە نیاز مانگگردن ئەرا رووژ یەکشەممە دیریمن، و شایەت ری پوڵەگە بووڕیمن، تا ئەوەنە لایەنە وەرپرسەگان لەبان ئی دەسکاری ناشرینە وەی پوڵە کردنە ئامادە بوونز ئاشکرای ئی پێشیلکاریە بکەن ، چوونکە هیچ ریبگ ئەرا دەسکاریکردن ئاسەوارەیەگان نییە.
