هەولێر... ڤیستیوال بەرهەمە ناوخوەیەیل گەشتیارەیل وەلای خوەی کیشێد و جێگرەویگ ئەرا هاوردەیل پێشکەش کەێد (وینە)
2024-05-13T14:05:59+00:00
شەفەق نیوز/ لە شار هەولێر پایتەخت هەرێم کوردستان، ئمڕوو دووشەممە، دەسکریا وە ڤیستیوال بەرهەمە ناوخوەیەیل، وە بەشداریکردن زیاتر لە 80 کومپانیا، و 200 کەس لە خاوەن بەرهەمە جیاوازەیل.
ساکار ئازاد ــ بەشداربویگ لە ڤیستیواڵەگە ــ وە ئاژانس شەفەق نیوز وت "وە ئێکسواراتەیل ژنانە بەشداری لە ڤیستیواڵەگە کردیە کە کارەیل دەستین و پیشوازی خاسیگ لەلی کریایە وەلایەن پەو مەردمەیلە سەردان شوینەگە کەن".
هەمیش، هیوا محەمەد ـ خاوەن کۆمپانیایگە و بەشدارە، وە ئاژانسەگە وت، "ئەرا یەکەم جارە بەشداری بکەیمن لەی ڤیستیواڵە وە زەیت ئاشکردن سروشتی (فرێش ئویەڵ)، وەپای ئەوەگ لە ئیسە خواستیگ فرە هەس ئەرا بەرهەمە خوەراکیەیل سروشتی و ناوخوەیی کە زیاتر تەندروسن".
محەمەد وتیش، "ئێ جویرە ڤیستیواڵەیلە گرنگە چوینکە دەسمیەتیدەرە ئەرا وەبازاڕیکردن بەرهەمەیل و بڵاوکردن هووشیاری لای هاوڵاتیەیل لە بەرهەمە سروشتیە ناوخوەیەگان کە جێگرەوە و خاسترن لە بەرهەمەیل هاوردەکریاگ لە دەێشت".
