هەولێر.. دامەزریان کۆمەڵەیگ ئەرا پەرەپیدان کەرت کشتوکاڵ و هەماهەنگی وەرد وڵاتەیل بەخشەر
2023-06-14T11:26:10+00:00
شەفەق نیوز/ ئمڕوو چوارشەممە، لە شار هەولێر پایتەخت هەرێم کوردستان، دامەزریان کۆمەڵەی هاوکاریی (ئاودێر) ئەرا پەرەپیدان کشتوکاڵ لە هەرێم کوردستان ڕاگەیەنریا، هاووەخت وەرپرسەیل ئەو کۆمەڵە راگەیانن ک ئامانجەیلی بریتین لە پەرەپیدان کەرت کشتوکاڵ لە ناوچەگە و هەماهەنگی وەرد وڵاتەیل بەخشەر ئەرا پشتگیریکردن جفتیارەیل.
سەرۆک کۆمەڵەگە، بەشار مشیل، لە چەوپیکەفتنیگ وەگەرد ئاژانس شەفەق نیوز راگەیان، "ئمڕوو دامەزرانن کۆمەڵەی هاوبەشی (ئاودێر) ئەرا پەرەپیدان کشتوکاڵی هەرێم کوردستان راگەیەنریا"، وتیش: بڕیگ پسپۆڕ و پرۆفیسۆر و پزیشک هەس ک لە ساڵەیل گوزەشتە ئەزموونیان بویە، ئەوان سوود لە ئەزموونیان وەرگردنە لەناو ئی کۆمەڵە.
هەمیش وت: "یەکیگ لە ئامانجەیل کۆمەڵەگە پاڵپشتی و هاندان جفتیارەیلە ئەرا تەواوکردن کاریان و چوینیەتی وەدەسهاوردن پاڵپشتی دارایی لە وڵاتەیل بەخشەر و ئەو ریخریاگەیلە ک پاڵپشتی کەرت کشتوکاڵ و ژینگە کەن"، وتیش: ئی کۆمەڵە بوودە خاوەن رۆڵیگ دیار لە هەماهەنگی ناوەین ئی وڵاتەیلە و کەرت جفتیارەیل لە هەرێم کوردستان.
