هەولێر دەسکەێدە دابەشکردن شایستە داراییەگان ئەرا جفتیارەیل
2020-09-26T14:37:44+00:00
شەفەق نیوز/ هێمن سەید موڕاد وەڕێوبەر چەودیری بازرگانی هەولێر، راگەیان دەسکردن وەدابەش شایستە داراییەگان ئەرا جفتیارەیل لە رووژ سوو یەکشەممەو.
سەید موڕاد لە وتاریگ رۆژنامەوانی ئاژانس شەفەق نیوز چەودیریی کرد، وت: ئەوسا سوو یەکشەممە دەسکەنە دابەشکردن شایستە داراییەگان ئی ساڵە ئەرا جفتیارەگان.
وتیش؛ ئەرا نواگردن لە قەڕەباڵغی، بڕیاردان تا دوو رووژ دابەشکردنەگە وەردەوامبوود، و لە رووژ یەکەم دەسکەنە پلیت ژمارە ١٤٠ تا ٤٤٠، و لە رووژ دووشەممە لە پلیت ژمارە ٤٤١ تا ٨٤٦ .
