هەرێم کوردستان ماڵئاوایی فەرمی لە عەقید خدر کەێد.. وینە
نوری عوسمان سەرۆک نویسینگەی سەرۆک هەرێم کوردستان، لەجیای سەرۆک نێچیروان بارزانی بەشداری لە ماڵئاواییکردن لە رەحمەتی "نوعمان عەلوان سهێل تميمي" کرد، کە وە "عەقید خدر" ناسیایس، سەرۆک کۆمەڵەی لایەنگرەیل شیوعی عراقی، کە چەپکە گوڵ لەبان تەرمەگەی نریا.
رسوومەیل ماڵئاواییکردن شەوەکی ئمڕوو، لە فڕۆکەخانەی ناودەوڵەتی هەولێر وەڕیەو چگ، وە ئامادەبوون نۆینەرەیل لە مەسعود بارزانی سەرۆک پارت دیموکرات کوردستان، و مەسروور بارزانی سەرۆک حکومەت هەرێم کوردستان، وەگەرد شمارەیگ لە گەورە وەرپرسەیل لە هەرێم کوردستان و کەسوکارەیل و براکەرەیل رەحمەتی.
نێچیروان بارزانی پرسە و سەرەخوەشی وە مردن عەقید خدر کرد کە باسی وە خەباتکار لە حزب شیوعی عراقی کرد، و یەکیگ لە دیارترین سەرکردەیل جەنگ هندرین لە ساڵ ١٩٦٦ لە شووڕش ئەیلوول، کە ژیان خوەی ئەرا خەبات وەخاتر عراق دیموکراسی پیشکەش کرد، و رێز هەڤاڵەیلی ت سەرکردەیل نیشتمانی کورد و عراق وەرگرد.
عەقید خدر لە ساڵ ١٩٣٩ لەداڵگبوی، و چگە کۆلێژ سەربازی عراقی لە ساڵ ١٩٥٩، بەشداری لە جەنگ هندرین لە هەرێم کوردستان کرد جویر یەکیگ لە کادرەیل حزب شیوعی و سەرکردەی سەربازی.
لە ساڵ ١٩٩١، دویای راپەڕین کوردستان، بویە راویژکار لە وەزارەت پیشمەرگە، و هەمیش لە ساڵ ٢٠١٤ لە جەنگ دژوە ریخریاگ داعش لە سەنگەرەیل پیشمەرگە بەشداری کرد.
