هەرێم کوردستان: یەک مەلیۆن و ٢٥٠ هەزار کەس مووچە وەرگرن و توانای لەیە زیاتر نەیریمن
شەفەق نیوز/ قوباد تاڵەبانی جیگر سەرۆک وەزیران هەرێم کوردستان، ئمڕوو شەممە، داد لە دەس فرەی فەرمانبەرەیل ناو هەرێم کوردستان کرد، لەو مەوقە ک دووپات کرد ک حکومەت هەرێم تاونای وەرگردن داواکەرەیل فەرمانبەری لە کەرت گشتی نەیرێد.
تاڵەبانی لە وتاریگ لە مەوقەی بەشداریکردنس لە پێشەنگای ساڵانەی تەکنۆلۆژیای تایبەت (تیک فیست) لە چاپ دوویەمین ی لە شار سلێمانی وت: توێنیمن بڕەسیمنە کەموکووڕی حکومەتی وەڕی کەرت تایبەت، ک وەبی پاڵپشتیکردن ئی کەرتە هەرێم کوردستان گەشە وەپی نێکریەێد.
و دیاری کرد ک ئەرک حکومەتەگە هالە داناین سیاسەتەیلە، و پەیاکردن رەوش ئابووری وەهێزیگ، و دابینکردن خوەشگوزرانی و خزمەتگوزاری، وتیش؛ حکومەت گشت چشتیگ وەپی نێکریەێد.
تاڵەبانی وتیش؛ حکومەت هەرێم کوردستان شمارەی گەورەیگ لە فەرمانبەرەیل دیرێد ک یەک مەلیۆن و ٢٥٠ هەزار کەس مووچە گرن، وتیش؛ ٧٥٠ فەرمانبەر مەدەنی و سەربازی هەس، ئەراوە حکومەتەگە ئەو توانا نەیرێد ک دەیان هەزار لە فەرمانبەرەیل نوو وەربگرێد.
