هەرێم کوردستان یەکەم بار پەتاتە ئەرا سعودیە کلکەێد
2023-10-23T09:32:06+00:00
شەفەق نیوز/ فەرمانگەی راگەیانن و زانیاری لە هەرێم کوردستان، ئمڕوو دووشەممە، راگەیان یەکەم بار لە یەرهەم پەتاتە ئرا شانشین عەرەبی سعودیە هەناردە کریا.
فەرمانگەگە لە بەیانامەیگ رەسیە ئاژانس شەفەق نیوز وت، " یەکەم بارهەڵگر وە ئاڵای کوردستان و 100 تەن پەتاتە وەرەو سعودیە کەفتەڕێ، ئێ بارە بەشیگە لە رێککەفتن هەناردەکردن هەزاران تەن".
دیاریکرد " هەرێم کوردستان لە گوزەشتە 5 هەزار تەن پەتاتە ئەرا ئیمارات یەکگرتگ عەرەبی کلکردیە".
