هەرێم کوردستان: شانازی وە باوەت وەیەکەوژیان کەیمن
زیباری لە کۆنگرەیگ رووژنامەوانی لە هەولێر پەیامنێر ئاژانس شەفەق نیوز ئامادەی بوی وت: ئمڕوو گردەوبیون فراوانیگ وەڕیەو چوود، وەگەرد نوینەرەیلیگ لە پەرلەمان و دەسەڵات دادوەری و بانگەشەی گشتی لە هەرێم کوردستان، ئەرا دەسکردن و جیوەجیکردن پلان تەمەیل ناودەوڵەتی ئەرا خاسەوکردن رەوشەیل ماف مرۆڤ و گەشەداینی، و دیاری کرد ک ئی کارە حکومەت هەرێم کوردستان لەڕی وەزراتەیل پەیوەندیدار وە هەماهەنگی وەگەرد پەرلەمان لە دووارە نووڕین یاسایل و دڵنیابوین لە جیوەجیکردن پابەندیەیل ناودەوڵەتیە.
وتیش: دەسەڵات دادوەری هەمیش وەی کارە پەیوەندی دیرێد، وە زویکردن لە کارەیل دادکردن و سەروەخوەیی دادوەری وە شیوەیگ تەواوی.
وتیش: ئمڕوو گردەوبیون لەباوەت وتار خوسەهاتن جیوەجی کەیمن، و دووپات کرد ک هەرێم کوردستان لەچەو عراق و کۆمەڵگای ناودەوڵەتی لە وەیەکەوژیان و باوەشگردن کەمینەیل جیاواز بوی.
وتیش: ریکارەیلیگ لە ئاست وەزارەتەیل و کار حکومەتی وەشیوەیگ رووژانە هەس ئەرا رەفتارکردن وەرد ئی باوەتە لە ئاست پەروەردە و خوەنستن باڵا و یاسایل، و ئی باوەتە ئەرا ئیمە جویر حکومەت هەرێم کوردستان شانازیە.
دیاری کرد ک وە فەرمان سەرۆک وەزیرەیل هەرێم کوردستان، حکومەت جیوەجیکردن پلان هەرێمی ئەرا ماف مرۆڤ وەزوی خستە ری، و تەقەلا ئەرا گەشەکردنی هەس.
