هەرێم کوردستان ١٩٣٨ تووشهاتن نوو وە ڤایڕۆس کۆڕۆنا تۆمار کەێد
2021-08-18T14:15:50+00:00
شەفەق نیوز/ وەزارەت تەندروسی لە هەرێم کوردستان، ئمڕوو چوارشەممە، راگەیان تۆمارکردن نزیکەی ٢٠٠٠ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە.
وەزارەتەگە لەبەیانامەیگ رەسیە ئاژانس شەفەق نیوز: ١٩٣٨ تووشهاتن نوو تۆمار کرد، تا گشت ژمارەی تووشهاتنەکان بڕەسێدە ٢٧٣٣١١.
وەگورەی بەیاننامەی وەزارەتەگە؛ ١٩٨٧ بیمار لە پەتاگە خاسەو بوین تا گشت ژمارەی خاسەوبویەکان بڕەسێدە ٢٢١٣١١.
بەیاننامەگە دیاری کرد ک ٢١ بیمار لە پەتاگە مردنە، تا گشت ژمارەی مردنەیل بوودە ٥١١٩.
